النهاردة حبيت اعرض لكم تجربتي عن غسول ومنظف رااائع للبشرة ومرطب في نفس الوقت

النهاردة حبيت اعرض لكم تجربتي عن غسول ومنظف رااائع للبشرة ومرطب في نفس الوقت

تفتيح ونعومة وترطيب

حسيت بفرق فظيع لما استعملته وعجبني جداااااااااا

والاهم انه من صنع ايدي ومش هيكلفك كتيررر

انا شفت الوصفة ع النت وحبيت اجربها

نشوووف الوصفة:

صابونة دوووووف ( طبعا كلنا عارفين انها صابونة مرطبة وناعمة ع البشرة)

نصف كوب حليب جهينة او اي نوع معلب ( اللبن منظف رااائع للبشرة )

علبة صغيرة جليسوليد (معشوق الجماهير ورائع جدا في الترطيب)

نبشر الصابووونة

ثم نضيف الحليب

وتترك منقوعة في الحليب 3 ساعات

وده شكلها

نضيف جليسوليد

ويمزج معاااااااااا

تضعيه في اي شئ ممكن برطمان زجاجي علبة غسول

انا كان عندي غسول فاضي

حطيته في كيس وبعدين في العلبة

طريقة الاستعمال:

تبللي وشك بالميه ثم تاخدي من الغسول كمية بسيطة وتفركي بيه الوش

ومساج بسيط بحركات دائرية بايدك او بقطنة

واشطفي وشك و نشفيه برفق

اي غسول بيحتاج ترطيب ده هتحسي ان بشرتك مش محتاجة كريم

حقيقي جميل جدا وبينظف البشرة وينعمها

وده بشهادة شهد بنتي

كل ما تستعمله تقولي انا وشي ابيض اووي وناعم وريحته حلوة

طبعا انا عارفة انكم هتستفسروا وتسألوا هحاول ارد علي اهم الاسئلة الي ممكن تتسأل!!!

ممكن استعمال صابونة تانية؟؟؟؟

بصراحة مجربتش غير دوووف لانها كمان مرطبة للبشرة

اللبن ممكن يأثر ع الغسول ويبوظ؟؟

اطلالالالالالاقا انا استعملت لبن معلب وده تاريخ صلاحيته 6 شهووور ومتقلقوش مش هيأثر نهااائياااا

نحتفظ بالغسول في التلاجة ولا بره؟؟

انا محتفظة بيه بره عادي لو في الصيف ممكن في التلاجة

ممكن تغيير جليسوليد؟؟

ممكن نيفيا كويس