الموضوع ده حيفيد اى واحدة متعرفش اى حاجة عن الميك اب
او واحدة بتجهز نفسها وناوية تشترى ميك اب وعايزة تعرف ايه الاساسيات؟
عشان كده سميته الف باء الميك اب
وهو مخصص للمبتدئين
1/ الفاونديشن ((كريم الاساس))
كريم الاساس مهمته انه يوحد لون البشرة ويدارى العيوب اللى هى البقع والحبوب والاحمرار
مهم تختارى اما نفس لون بشرتك او افتح بدرجة واحدة بس اكتر من كده حيكون فاتح اوى ومش حيليق عليكى
هو درجات كتير اوى زى كده اختارى الدرجة اللى لايقة على بشرتك وياريت تعملى تست الاول
الفاونديشن انواع سائل/كريمى/باودر/ستيك
الافضل لو انك مبتدئة تستخدمى الكريم او الباودر لانهل فالتوزيع
الاسفنجة اغلب الاسفنجات اللى بتكون مع الفاونديشن بتكون مخرمة كتير كده زى دى
دى بتكون وحشة جدا لانها بتعمل خطوط من الفاونديشن ومش بتظبط التوزيع هاتى اسفنحة باودر اللى بتكون مقفولة خالص زى دى بتكون اسهل كتير فالتوزيع
وممكن بصباعك كمان لو فى صعوبة فالتوزيع استخدمى اسلوب الطبطبة افضل طريقة
2/ الباودر
الباودر بتنعم ملمس البشرة وبتفتحها شوية وبتثبت الفاونديشن
وهى انواع برضه مضغوطة ولوس باودر او سايبة
اغلبنا بيستعمل الكومباكت العادية المضغوطة اما اللوس باودر محتاجة مرحلة متقدمة شوبة فالميك اب لانها خفيفةو بتطير بسرعة وبتخلص بسرعة
برضه الباودر درجات اختارى درجة افتح بدرجة واحدة من لون بشرتك
دى الكومباكت باودر
ودى اللوس باودر
افضل طريقة لتوزيع الباودر هى الفرشاة الكبيرة رغم ان كل الباودرات بتتباع مع اسفنجة مش فاهمة ليه
بس ضرورى تكون عندك الفرشاة دى
نصيحة مهمة اوى ياريت تبعدى عن حاجة اسمها بودرة مائية دى بجد كارثة بتطلع الحبوب وبتسد المسام وبتبقى عاملة زى اللى خبطتى فى عمود لسه متبيض فبلاش خالص مش ناقصين اضرار
3/ الكونسيلر
الكونسيلر مهمته اخفاء التجاعيد تحت العين والهالات وبيستخدم كمان على البقع الغامقة بس
بيكون نفس لون بشرتك متختاريش درجة افتح ياريت او ممكن درجة واحدة بس افتح عشان هو بيتحط تحت العين فلو فاتح اوى حتبقى شكلك مش حلو خالص
الكونسيلر انواع سائل بفرشاة/سائل انبوبة /ستيك/كريم
بالنسبة لو انك مبتدئة الافضل تستعملى الستيك او السائل بفرشاة دول اسهل حاجتين فالتوزيع ودى صورهم
ده الستيك
وده اللى بفرشاة
ودى صورة السائل اللى بانبوبة
الكونسيلر بيتحط على هيئة نقطة وبعدين بتمجيهم وتوزعيهم بصبعك بالطبطبة وبراحة خالص لان منطقة الجفن دى جلدها رقيق اوى وكمان لو عملتى فيها جامد حيطلعلك تجاعيد بسرعة
4/ البلاشر (الروجاجو) (احمر الخدود)
مهمته انك تدى حمرة رقيقة لخدودك تديك مظهر رقيق ورونق حلو للون بشرتك بس من اكتر اخطاء البنات انهم بيحطوه بكترة او لون غامق فبيبان تقيل اوى وبدل ما يكون عاطى مظهر رقيق للبشرة بيكون عامل زى الطماطم او واحدة مضروبة فوشها
البلاشر انواع برضه كومباكت (مضغوط) / كريم/ لوس (سايب) /ستيك/ سائل
فى الاول الافضل تستعمل المضغوط العادى اللى برضه اغلبنا بنستعمله لان الباقى صعب شوية فالتوزيه
اختارى الوان رقيقة بلاش الوان غامقة وتقيله وكمان اختارى المناسب لبشرتك يعنى لو انتى سمرا بلاش الروز الفاتح حطى برونز او بيج يعنى شوفى اللون اللى حيكون طبيعى عليكى
وممكن لو انتى بتجهزى او بتشترى ميك اب تخلى عندك باليت زى دى فيها مجموعة الوان انا من رايى دى افضل 100 مرة من انى يبقى عندى 5 بلاشر كل واحد فى عليه لوحدها
ودى انواع البلاشر
الكومباكت المضغوط
الكرات وده حلو انه بيدى لون وسط من بين الوان الكرات دى
واللوس بلاشر
السائل
وبرضه البلاشر بيتحط بفرشاة كبيرة وناعمة زى الباودر بس اعملى لكل حاجة منهم فرشاة
5/ الاى شادو 0(ظل الجفون)
من اهم الحاجات الاول لازم يكون عندك اى شادو ماط لونه ابيض او لؤلؤى او بيج المهم ميكونش جليتر لان ده بنستخدمه فى الاضاءة تحت الحاجب وتحت العين
وبالنسبة للشادو الالوان مفيش اى داعى لو انتى بتجهزى نفسك او بتشترى ميك اب انك تجيبى باليت اى شادو كبيرة بالحجم ده عمرك ماحتستخدمى كل الالوان اللى فيها وفى الاخر صلاحيتها حتخلص وحتترمى وفيها الوان كتير
عشان فى بنات كتير تيجى تشترى تقول اجيبها بالمرة عشان مش احتاج الوان
هاتى باليته صغيرة بالكتير 24 لون فيها الوان بالدرجات اللى فيها اغلب درجات لبسك وكمان تبقى صغيرة لو حابة تاخديها معاكى فى اى مكان وياريت برضه بلاش الجليتر بقدرالامكان لو عايزة تجيبها جليتر مش حتناسب غير السهرات
وياريت تختارى دايما الالوان الهادية وابعدى عن الالوان الفاقعة والغامقة بقدر الامكان
6/ الكحل
الكحل الاسود من اهم الاساسيات ومهمته تحديد العيون واظهار حجمها بس مع العيون الضيقة يفضل عدم ايتخدام الكحل الاسود لانه حيصغرها اكتر او لو جفتك ضيق برضه بلاش اسود
الاسود لو واحدة مبتدئة بلاش تحطى كحل على جفن العين اللى فوق وانتى خارجة لحد ماتعرفى تظبطيه تمام يعنى جربى فالبيت ولما تظبيطيه ممكن تخرجى بيه لكن فالفترة دى تقدرى تحطى منه جوة العين
دورى على قلم يكون لونه تقيل وططرى ميجرحش عينك
وبرضه اقلام الكحل الملونة بقت موضة وحلوة اوى فالنهار وبتغير اللوك وبتعمل اطلالة حلوة
7/ الماسكارا
مهمتها انها تدى كثافة وطول معقولين للرموش وكمان تبينهم وتبين لونهم لكن برضه للاسف بنات كتيرة بتعمل خطأ من اتنين
اما بتحط كتير اوى لدرجة اوفر بدون تمييز عن المناسبة اللى فيها او وقت خروجها
او تجيب ماسكارا تقيلة بتطول اوى وبتكلكع الرموش وبتعمل تكتلات وهى مفكرة كده انها كويسة
وفعلا بشوف بنات خارجة بالمنظرالتالى
لكن احنا عايزين مظهر طبيعى ورقيق زى ده
والمهم اختيار فرشاة الماسكارا وانتى بتشترى اول حاجة بصى ليها وانتى بتطلعيها لو لقتيها بتشد او تحسيها سايحة كده يبقى بلاش منها
ولو لونها غامق اوى اوى ممكن تكون مش بتنشف بسرعة وده معناه لو غلطتى غلطة وانتى بتحطيها حتبوظلك الميك اب
الفرش بقى انواع كتير اللى فرشتها ضيقة او واسعة او وسط وانا دايما بفضل الوسط بحسها بتدى افضل النتائج زى دى
8/ احمرالشفاه
الاول اتعودى دايما يكون معاكى ليب بالم (زبدة كاكاو)
الافضل لو انتى مبتدئة تخليكى فالجلوس (روج سائل او الملمع)
لانها اسهل وبيدى مظهر رقيق بكتير
الالوان كتيرة ودرجات مختلفة ابعدى عن الالوان الفاقعة والغامقة خليكى فى الالوان البناتى والرقيقة
الروج القلم الليب ستيك بيبقى درجة ثباته اعلى وبرضه فى درجات كتيرة جدا
الموضة اكتر الالوان الفاتحة والالوان الغامقة مناسبة اكتر للمناسبات
وطبعا ممكن تحطى فوق الروج جلوس بيثبته اكتر وبيدى مظهر حلو
9/ واخيرا لازم يكون عندك مزيل مكياج نوعه كويس وترتاحى فيه
ولوانى افضل اكتر مناديل ازالة الميك اب بتشيله بسرعة ومش بتسيب اثر
انا كده خلصت اتمنى اكون افدتكم ولو بحاجة بسيطة
ليست هناك تعليقات:
إرسال تعليق