ما تقول نعم يا اخي

نعـم بتريـح مش كـده !

قول نعم يا اخى علشان العجلة تدور ..
و اللى مش عاجبه فى ستين داهية يغور ..
اسمع كلام اخوانك و خليك قمور بس انا معدتش باكل من الكلام دوا انا خلاص مخى طق ..

انا هنزل الاستفتاء و بعلو صوتى هقول لأ ..

قولوا علينا اقلية مفسدين عملة مأجورين فلول و مسيحييييين ضد الاسلام و مش مسلمين ماشى يا سيدى اشتم براحتك و شوه كمان افرح بحشدك بأغلبيتك و جاريك على البرلمان ما هى اقليتنا ديه هى اللى بدأت الثورة و وصلتكم لفوق ..
نسيتوا اصلى يعنى مكنش من زمان انبسط يا سيدى بدستورك المسلوق و انسى جريك ورانا و كلامك معانا بالزوء و قلبتك السودة علينا مش جديدة عليكوا و لسة منكوا ياما هندوء ..
ما اللى قبلك بردك كان بيعمل اللى ع مزاجه و كله بالصندوق افرح انت بدستورك و احشد ضلل كمان افرح بنعم و طلع فينا اللى اتعمل فيك من زمان اكذب و حور و اضحك علينا بالاستقرار و الامان اصله انتوا عارفين افة بلدنا النسيان انا بقى مش ناسى ..
هلف على الناس فى كل مكان
و هحط 3 كلمات على كل لسان خــان يخــون ... !
و كملوا انـتوا بـقى :)

- باسـم يوسـف -