بالصورة شاهد ماذا يحدث فى مترو السيدات
2012-12-26 00:56:00
استكمالا لمسلسل السلبية اللي مش عايزين نخف منها - النهارده في المترو خط الجيزة – شبرا – ركبت العربية الخاصة بالسيدات ( طوال اليوم ) لقيت مجموعة من الشباب راكبة وعمالة تتريق على بنت طلبت منهم النزول من العربية – مسكت موبايلي عشان اصورهم بغرض انهم يتكسفوا وينزلوا من العربية – اول ما شافوني بصور قعدوا يضحكوا ويقولوا وعلى كده الصور دي هتتنشر فين – جاوبتهم انهم لو ما نزلوش الصور دي هتكون على النت ويضحكوا عشان الصورة تطلع حلوة – اما حسوا ان الموضوع جد قالولي لو ما مسحتيش الصور الموبايل هيكون تحت رجلينا واما رفضت امسحها الا اما ينزلوا الاول قالوا مش هننزل والموبايل هناخده وبالفعل اتهجموا عليا عشان ياخدوا الموبايل وكانوا عايزين يضربوني لولا تدخل الناس في المترو وطبعا سمعت سيل من الشتايم وقلة الادب
المحزن في الموضوع الكم الهائل من التعليقات السلبية اللي سمعتها – من الستات في العربية انهم مش محترمين وكانوا ممكن يضربوني فعلا واننا لازم نسكت ونفوت عشان اي بلطجي ممكن يعمل اي حاجه ومحدش يحاسبه والأسلم لينا اننا نطنش ونفوت مهما كان حجم الغلط اللي شايفينه بحجة اننا ضعاف ومش هنقدر نصلحه – يعني نظام ابعد عن القضايا لتتبهدل يا ضنايا – بس انا مش ناوية افوت ومش هسكت على غلط اشوفه بعد كده – ومش هتنازل عن حقي – لا يضيع حق راءه مطالب
شاهد الموضوع الأصلي من هنا
بالصورة شاهد ماذا يحدث فى مترو السيدات
ليست هناك تعليقات:
إرسال تعليق