بالفيديو..عمرو أديب يفتح النار على أبو إسماعيل: "ماحدش عارف يلمه..هو ابن مين فى مصر ده"
12/16/2012 11:53 PM
محمد المصرى
فتح الأعلامى عمرو أديب على حازم صلاح أبو إسماعيل قائلا:"النهارده كان
فيه مواطن سوبر هيتجمع هو وانصاره لتحرير محضر بقسم الدقى، واللى يعدى امام
قسم الدقى يتخيل أن فيه حرب، واللى جننى قيام وزير الداخلية بتفقد
التحصينات كأننا فى قلعة عكا، طالبا منهم ضبط النفس، ومطالبتهم بإقالة وزير
الداخلية".
وقال أديب أن أنصار حازم سينتهوا من مهاجمة الوفد والصحف والاخرى، وستهاجم الإنتاج الإعلامى، متسائلا:"أين الدولة..وأين القانون؟".
وتعجب أديب فى برنامجه على قناة "القاهرة اليوم" من موقف الداخلية أمس
أثناء اقتاحم حزب الوفد قائلا:" ليه ساكتين، من أمس لليوم لم تقبض الداخلية
على فرد من 500 ممن اقتحموا الوفد، انتوا ليه مش عاوزين تقبضوا عليهم".
وأضاف :"أنا مع عصام العريان فى ترخيص سلاح، كل واحد يرخص سلاحه، وكل واحد
وشأنه، قصة النهارده بايخه أوى، على الاخر أجلوا الحكاية، عشان وزير
الداخلية سيقدم لهم الاعتذار،كل ده عشان فيه دورية مرت أمام بيته، قولولنا
أن كل واحد وشأنه".
واستكمل حديثه للداخلية قائلا:"أنا عمرو اديب.. لو حاصرت قسم الدقى هتعملوا أيه معايا".
ووجه حديثه لإبو إسماعيل قائلا:"الراجل ده بالتفكير ده كان هيبقى رئيسنا،
ازاى ماحدش عارف يلمه، قولولى ابن مين فى مصر ده، اذا كنت خايفين قولولنا،
اذا كان 2000 عسكرى خايفين من واحد تبقى مهزلة".
http://www.youtube.com/watch?v=wW7WC7bRQfw&feature=player_embedded
ليست هناك تعليقات:
إرسال تعليق