باسم يوسف للتيارات الاسلامية وقنواتهم الدينية

اى برنامج ساخر فى الدنيا مش محتاج انة يشرح هو بيعمل اية و لية لكن علشان احنا فى مصر حساسين شوية هانضطر نعمل كدة و نكلم جد شوية و انشاء اللة مانقفلكمش من البرنامج للاسف فى ناس فكرة ان هم ماسكين صكوك الدنيا و مفاتيح الاخرة فى اديهم و بيعتبروا ان اى هجوم عليهم هو هجوم على الدين ماتستغربوش بقا لو شوفتو الناس الى المفروض ان هما متدينين بيشتموا و يبلطجوا فى الكلام طبعا فى تجاوزات من الناس كلها و احنا اولهم بس ازاى الناس المتدينين الى هما المفروض قدوة الى هما المفروض بتوع ربنا تقول كدة تشتم كدة تبلطج كدة الاجابة فى الفيديو دة(خالد عبدالله: تيجى الناس تقول ينفع الشيوخ و العلماء الى بيعلموا الناس الدين يشتموا ماهو يا ايها النبى جادل الكفار و المنافقين و اغلظ عليهم و قولنا ميت مرة فى السيرة النبوية ما يجعلنا نرى ونسمع و نقرأ عن اعمال المنافقين بشئ من الغلظة و احيانا بالفاظ قوية جدا اقوى بكتير من الى بيتقال دة) و هو دة السبب تفسيرهم هم و فهمهم لدين هما مبيتعملوش معانا على اننا مسلمين او مسحيين بل ككفار منافقين اعداء دين و اعداء ربنا علشان كدة احنا نستحق الشتيمة و التهزيق و لو وصلت للضرب و التعزيب و لقدر اللة القتل كل دة حلال فينا احنا نستحق كدة و دة تلخيص كل الى بيحصل الى بتشوفوه احنا بالنسبهم نستاهل اكتر من كدة علشان كدة الى يقولى انت بتتعدى على الشيوخ و العلماء اقولو المعادلة بسيطة زى ما انتم مش معتبرنا   مسلمين انتم بالنسبلنا ولا شيوخ ولا علماء انا مش على راسى بطحة علشان كل شوية احتاج ان انا اقول ان فى علماء و شيوخ كويسين او ان دينا دين كويس طب من عارف كلنا عارفين انا معنديش عقدة النقص الى تخلينى كل شوية أكد كل شوية ان الاسلام كويس الاسلام كويس طب  انا مش محتاج امسك طوب ابيض و اعد اقول دة لونة ابيض طب منا عارف ما كل الناس عارفة و شايفة ان لونة ابيض بس لازم تعمل مجهود اكبر علشان نطلع من الوساخة طبعاً بالنسبالهم احنا الوساخة ـ ليه معظم حلقاتنا على تيار معين ودى اخر مرة هاتكلم فيها    لان هو الى معاة السلطة هو الى سيطر على كتابة الدستور و هو الى معاة اغلبية البرلمان  كل دة و كمان مش عايزنا نجيب سيرتهم لية مابتجبش التيار المعارض تانى مش انتوا بتقولوا ملهمش وزن هتلقوا وزن التيار المعارض فى البرنامج زى ما بتقولوا علية فى الشارع بالظبط السنة الى فاتت السخرية ماكنتش حرام لانها كانت بتيجى على مزاجكوا دلوقتى بس بقت حرام علشان سيرتكم هى الى بتيجى و لو على الحيادية يا سيدى انا مش حيادى انا بقول رأيى انا حر قال يعنى الحيادية مقطعة الدنيا فى برامجكوا و قنواتكوا النظام السابق كان بيقول انتم ضد الوطن دلوقتى بيقولوا انتوا ضد الشريعة ماعدش حد بياكل من الكلام دة خالص فبلاش اللعب على عواطف الناس و تقولوا على الى يعارضكم او يهاجمكم انة ضد الدين او تغطوا على فشلكم بأن المعارضين لكم ضد الاسلام الاسلام اوسع وارحب و احسن من الى انتوا بتتصدروا باسمه الدين الى انتم بتصدروهلنا دة احنا مانعرفوش خالص وكانت هذا الجد