باركولي

بقلم : مايكل سامي



ياجماعه احنا اشترينا بيت جديد وهننقل فيه بعد كم يوم
وخبر زي ده طبعا لازم اجي واقولكم عليه علشان افرحكم معايا
البيت الجديد نضيف اوي وجميل جداوبابا قالنا ياجماعه انا مأجر عربية نقل واقفه تحت البيت
اي حاجه عندكم ملهاش لازمه جهزوها وانزلوا حطوها علي العربية علشان هترميهم بعيد
لأننا مش عاوزين ننقل للبيت الجديد واحنا معانا كراكيب وحاجات ملهاش لازمه من البيت القديم
المهم كل اخواتي جهزوا الحاجات اللي ملهاش لزمة وحطوها علي العربية
وبابا وماما كمان جهزوا كل الحاجات اللي ملهاش لزمة ونزلوها علي العربية
المهم اخويا كان معاه شنط كتيرة وحبيت اساعده في اني انزلهم معاه تحت للعربية
راح ضحك وقالي لا ياحبيبي كل واحد هيشيل الشنط بتاعته بنفسه وينزلها
قولته طيب ماشي انا كنت عايز اساعدك بس
قالي لا متساعدنيش علشان انا مش هساعدك
وفعلا طلعت بسرعه اوضتي وفضلت اجهز كل الحاجات اللي ملهاش اي لازمة وحطيتها في شنط
ولكن اتضايقت اوي اوي لما لقيت ان الشنط بتاعتي اكتر من الشنط بتاعتهم
واتضايقت اكتر لما عرفت ان محدش فيهم هيساعدني اني انزلهم تحت في العربية
فقولت خلاص انا هنقص الشنط شوية واخد نص الحاجات اللي ملهاش لزمة معايا البيت الجديد وهنزل نص الشنط بس في العربية
رحت فتحت الشنط من تاني وفضلت انقص الحاجات اللي فيها علشان تبقي خفيفه عليا وانا بنزلها في العربية
راح بابا دخل عليا وشافني
قالي بتعمل ايه
قولتله بصراحه انا جهزت كل الحاجات اللي ملهاش لزمة اللي هنزلها تحت في العربية اللي هترميهم بعيد
ولكن الشنط كتيرة اوي وتقيله عليا

راح بابا قالي ياحبيبي احنا لسه هننقل بعد كم يوم
جهز حاجتك علي مهلك وكل شوية نزل حاجه واطلع ريح شوية وانزل نزل الحاجه التانيه
لسه معاك كم يوم
بس المهم متدخلش البيت الجديد بأي حاجه ملهاش لزمة علشان منبهدلوش من اول يوم


سنة 2013 هي البيت الجديد
واخويا مش هيساعدني في تنزيل شنطي لأن كل واحد ملزم انه يقدم توبه عن خطاياه بنفسه ويتوب عنها ومش ينفع اخويا يتحاسب عن الخطايا بتاعتي حتي لو كان بيحبني
والعربية النقل هي التوبة اللي هتنقل خطايانا
احنا خلاص يومين وهنعزل من البيت القديم ( 2012 ) وهننقل للبيت الجديد ( 2013 ) ومش هينفع ناخد اي كراكيب معانا للبيت ده

ادخل وحضر شنطك وابدا حياة جديده في بيتك الجديد

انا داخل احضر شنطي .. مين تاني هيدخل يحضر شنطه ؟؟
أنشرها لتساعد في توصيل هدف لاخرين
قصة لـ مايكل سامي




ليست هناك تعليقات:

إرسال تعليق