صفوت حجازي يعتدي بالضرب على مصورة كندية على منصة مرسي!
روى المصور الصحفي شهاب والمعروف على تويتر باسم "عمو شهاب" واقعة تعدي صفوت حجازي بالضرب على مصورتين إحداهما تعمل بالمصري اليوم والأخرى كندية وذلك قبل دقائق من وصول مرسي لمنصة ميدان التحرير اليوم.
وجاءت الواقعة كما حكاها شهاب إثر وقوف إحدى المصورتين على المنصة في مكان يتيح لها التصوير من زاوية جيدة. وبعد اعتراض صفوت حجازي على مكان وقوفها، حدثت مشادة قام على إثرها حجازي بابعاد الفتاة بالقوة وضربها حسب رواية شهاب.
وقام أفراد الإخوان المتواجدون على المنصة بتخليص الفتاة من يديه وإبعادها.
نشر شهاب تفاصيل هذه الواقعة بالإضافة لصورة الفتاتين على حسابه على تويتر كالتالي:
- هي دي البنات اللي ضربها صفوت حجازي وقعد يشتم فيها والبنت بتعيط
- بعد أما أخلص تصوير ، هكلم البنت وأسجل معاها لو وافقت ، ولو موافقتش هبقي أجيب رقمها
- معرفتش أسجل مع البنت بسبب الزحمة والحرس الجمهوري
- ايوه أنا شفت صفوت حجازي وهو بيضرب البنت علشان عايز يمشيها من مكانها من عند المنصه والبنت رفضت رح زقها راحت زعقت له راح ضربها
- هما كانو 2 بنات مع بعض منهم واحده المصري اليوم واللي اتضربت معرفش مصورة فين ، أما اروح هرفع صورهم واضحه واللي يعرفهم يكلمهم يأخد تفاصيل منهم
- الناس سكتت لصفوت حجازي لأن كل اللي كانو واقفين كانو إخوان والمصورين كان عليهم حاجز ، إلأخوان حاشوها من أيده بس وقالوا عليها قليله الأدب
تصوير المصور الصحفي شهاب
تنقطع ايدة اومال ولسا كمان دة لسا بيورونا الوش الكويس وبيضربوا بكرة كمان يقتلوا مهو خلاص بقا
ردحذفبالزمة مش مكسوف يا شيخ صفوت دة انت حتى صورة وواجهه لدينك بجد عيب عليك كسفت دينك من غير سبب عيب قوى لما يطلع كدا من شيخ بيمثل الدين وترجع تقول الناس خايفة ليه مهو من افعالكم يا بياعين الكلام انتوا لا يمكن تكونوا زى فضيلة الشيخ احمد الطيب ولا زى فضيلة الشيخ الشعراوى ولا زى فضيلة الشيخ النقشبندى بجد عيب عليك يا شيخ صفوت اقلع جلباب الدين لانك بتهينه بصورة وحشة قوى .
مافيش غير حسبناالله و نعم الوكيل
ردحذفوهو يعنى شهاب ده بتصدقوا كلامه وهو الشاهد الوحيد لهذه الواقعه فى كل الزحمه دى وبعدين لوده حصل صحيح هى البنت المصوره دى هاتسكت على كده دى كان زمانها فضحت الدنيا ولا يعنى الاخوان خطفوها؟؟ ياجماعه مش كل حاجه تصدقوها واعرفوا اصل اللعبه بقى
ردحذف